කේ. ජයතිලකගේ කෙටි කතා සංග්‍රහයක් කියවන පාඨකයා ගමක් මැද පිහිටි අද්‍යානයක සිට පොතකට ඇස් යොමා සිටින තැනැත්තෙකුට සමාන කළ හැකිය.
මුළු කාලය පුරාම ඔහු සිටින්නේ ගැමි පරසරය මැදය.
ඔහු එහි ඇති ගස්කොළන් පමණක් නොව සතා, සතුනුත් ගැහැනු , මිනිසුනුත්, ඔවුන් එකට වෙළී පැටලී කරන ජීවන සටනත් හැගෙයි දකියි. ඒ අතරම පොත මාර්ගයෙන් බාහිර ලෝකයත්, මිනිසු වර්ගයාගේ අධ්‍යාත්මයන් නිරීක්‍ෂණය කරයි.
මේ දෙකෙහි සමතුලනයක් ඇති කිරීමටද කතුවරයා උත්සාහ කරයි.
කතුවරයාගේ සුවිශේෂ කතා කිහිපයක්ම මෙම පොතට ඇතුළත්ය. චම්මා, වජිර පබ්බත, රිදී දම්වැල, කෑලෑ මල්, එළිය සහ අඳුර ආදිය ඉන් කිහිපයකි. මෙයින් රිදී දම්වැල ඉංග්‍රීසියට නඟා යුනෙස්කෝව මගින් පළ කර ඇති අතර එළිය සහ අඳුර රුසියන් බසින් පළවී ඇත. සිංහල 8 පොතෙහි දඬුවම කෙටි කතාවද මෙයට ඇතුළත් ය.