සිංහල සාහිත්‍යයේ වර්තමාන අවධිය ගැන ලියවෙන කලක වික්‍රමසිංහ යන නම සම්භාවනීය ස්ථානයක් ගන්නා බව කිවමනා නොවේ.

අපරදිග සාහිත්‍යය ආශ්‍රය කරමින් අප අතර පෙර නොවූ නානාවිධ සාහිත්‍යාංගයන් සිංහලයට ඇතුළත් කොට අප සාහිත්‍යයෙහි නවෝදය සැලැස්වූවන්ගෙන් මාර්ටින් වික්‍රමසිංහ ප්‍රමුඛ කෙනෙකි. වික්‍රමසිංහ විසින් රචිත නවකථා ද, විචාර පූර්ණ ලිපි ද, දෘශ්‍ය කාව්‍ය ද , දාර්ශනික නිබන්ධ ද, කෙටිකතා ද ඔහුගේ නිර්මාණය ශක්තියේ විවිධත්වය ප්‍රකාශ කරති.


- මහාචාර්ය එදිරිවීර සරච්චන්ද්‍ර