මෙම කෙටිකතා අපට මුණගස්වනුයේ මගතොට දී හමුවන, අප සමඟ ජීවත් වන, එහෙත් ඔවුන්ගේ නිහඬ ජීවිත තුළ සිදුවනුයේ කුමක් දැයි අප නොදකින සාමාන්ය මිනිසුන් ය.
පොත් විකුණන මිනිසෙකුගේ ජීවිතයෙන් මතුවන අසරණකමත්, දරුවකු වෙනුවෙන් පියෙකු දරාගන්නා වේදනාවත්, ශ්රමයෙන් ජීවිතය ගොඩනගා ගන්නා මිනිසුන්ගේ නොපෙනෙන අරගලත්, මරණය හා වියෝව හමුවේ මිනිස් සිතේ ඇතිවන කම්පනයත්, දරාගැනුමත් මේ කතා මතුකර දක්වයි.
කොතැනක හෝ දුප්පත්කම ඇත; කොතැනක හෝ අසාධාරණය ඇත; එහෙත් ඒ සියල්ල අතරින් මනුෂ්යත්වය තවමත් සම්පූර්ණයෙන් මිය ගොස් නැති බව කතාකරු පසක්කරයි.
මෙහි චරිත වීරයන් නොවෙයි. ඔවුන් විශේෂ මිනිසුන් ද නොවෙයි. තමන්ට හිමි කුඩා ලෝකය තුළ ජීවිතය සමඟ පොරබදනවුන්ය ඔව්හු. ඔවුන්ගේ සිනහව පිටුපස ඇති කඳුළත්, නිහඬකම පිටුපස ඇති කෑගැසීමත්, දෛනික ජීවිතයේ සුළු සිදුවීමක් තුළ හදිසියේ මතුවන මහා මනුෂ්ය සත්යයත් මේ කතා පේළි අතරු අතරට ගෙනැවිත් දක්වා ලයි.
මෙහි එන ඇතැම් චරිත ඔබට කිසිදා අමතක නොවනු නියතය. ඔවුන් මේ කතාවල පමණක් ජීවිත වන මිනිසුන් නොව, අප වටා කොතැනක හෝ නිහඬව ජීවත් වන තැනැත්තන් ය.
මෙය කෙටිකතා එකතුවක් පමණක් නොවෙයි; අප මඳක් නවතා, අපට මිනිස් ජීවිතය ගෙනහැර දක්වාලීමකි.
| Author | P.B. Jayasekara |
| Language | Sinhala |
| ISBN | 9786244958215 |
| pages | 104 |
There are no reviews yet