"ප්රභූවරය, ඔබ පිරුවටක් මෙන් පවිත්ර යයි හෝ අලුත පිපි සෙව්වන්දියක් මෙන් නැවුම් යයි හෝ සිතන්නෝ ද? ඔබට කවරාකාරයකින් හෝ ශුද්රයන් ගේ මුසුවීමක් නැති ද?"
"නැත! නැත! මා ගේ රුධිර නහර උදාර වූ ශාක්ය රුධිරයෙන් ම පිරී ඇත්තේ ය."
"එ සේ නම් ප්රභූවරය පිළිතුරු දෙන්න. ඔබගේ කෙත ඇත්තේ කොහි ද?"
"බිහිනුවර වේළුවනය අසල ය."
"ඒ අවට වසන්නෝ කවරහු ද?"
"ශුද්රයෝ ය."
"ශුද්රයන් වසුරු හෙළන බවත් ඔබ අසා තිබේද?"
"ශුද්රයෝ ද වසුරු හෙළති. ඒ සිතීම හා කතාකිරීම ද පිළිකුලකි. නින්දාවකි"
"පිළිකුල හා නින්දාව ගැන පසුව කතාකළ හැකි ය. ඔවුහු කොතැනක වසුරු හෙළත් ද?"
"ඒ දීනයන්ට තැන නො තැන කියා විශේෂයක් නැත. ඇතැම්විට ගෙ මිදුලෙහි ම වසුරු හෙළනු විය හැකි ය"
"ඔවුන් මහපොළවට වසුරු හෙළූ කල, වැසි වැස, ඔබ සිතන පරිදි සිතීමට ද පිළිකුල් ඒ වසුරු වතුරට මුසු ව ඔබ කෙත ආශ්රිත ව ගලන බව ඔබ නො දන්නෝ ද?"
"දනිමි"
"අතිශය පිළිකුල් සහගත ශුද්රයන් ගේ වසුරුවල සාරය ද උරාගෙන ඔබ ගේ ගොයම වැඩී, කරලින් බර වන බවත් නො දන්නෝ ද?"
"දනිමි"
"එසේ නම් ප්රභූවරය, ඔබගේ උතුම් ශාක්ය රුධිරයේ නො කිලිට ගැන යළි කතාකරන්න. මම නිහඬ ව අසා සිටින්නෙමි"
| Author | Jayasena jayakody |
| Language | Sinhala |
| ISBN | 9789555516907 |
| pages | 268 |
There are no reviews yet